Төслийн зорилго нь 'Усны менежмент, Усны хяналт-шинжилгээний сургалтын' үр дүнг үнэлэх, сургалтад оролцогчдын мэдлэг, хандлага, дадалд гарсан өөрчлөлтийг зорилтот болон хяналтын бүлэгтэй харьцуулан хэмжих, цаашид сайжруулах санал зөвлөмж боловсруулах юм.  Энэ хүрээнд дараах үзүүлэлтүүдээр өөрчлөлтийг хэмжих юм. Үүнд:  

• Өмнийн бүсийн газрын доорх ус, гидрогеологийн суурь мэдлэг, ундны болон аж ахуйн усны чанар болон түвшинд хяналт шинжилгээ хийх, хууль эрх зүйн талаар мэдлэг нэмэгдсэн эсэх;  

• Устай холбоотой эрсдэл, боломжуудаа үнэлдэг эсэх; 

• Сургалтаар олж авсан мэдлэгээ ашиглан олж харсан эрсдэл боломжоо шийдвэрлэх арга хэмжээ авч байгаа эсэх; 

• Усыг зөв зохистой ашиглах тогтсон зан үйл, дадал тогтсон эсэх, тогтвортой арга хэмжээ, хөтөлбөрийг санаачлан хэрэгжүүлдэг болсон эсэх 

Үнэлгээний гол арга зүй нь сургалтын үр нөлөө, гарсан үр дүнг хэмжих суурь мэдээлэл, дата байхгүй учраас хяналтын болон зорилтот бүлгийн мэдээллийг харьцуулан үр дүнг боловсруулсан. Сургалтад хамрагдсан иргэдийг зорилтот бүлэг гэж үзэх бөгөөд хамрагдаагүй иргэдийг хяналтын бүлэг гэж үзнэ. Мэдээлэл цуглуулалт Өмнөговь аймгийн 15 сумдад хийгдсэн ба нийт 996 иргэдээс (зорилтот 376, хяналтын 620) анкетаар мэдээлэл цуглуулсан. Мөн 38 сургалтад хамрагдсан, усны чиглэлээр идэвхтэй ажилладаг иргэд, олон нийт, төрийн болон уул уурхайн компаниудын төлөөлөлтэй ярилцлаа.  

Үнэлгээний хүрээнд, бид дараах ажлуудыг гүйцэтгэсэн:  

1. Туршилт судалгааг талбар дээр зохион байгуулав: Өмнөговь аймагт туршилт судалгааг гүйцэтгэн, хэрэглэгдэхүүн турших, хяналтын зорилтот бүлгийг харьцуулах, сургалтын бүлгээр харьцуулах, урьдчилсан үр дүнг тооцоолох зорилгоор гүйцэтгэв. Судалгааны үр дүнд сургалтад хамрагдсан болон хамрагдаагүй бүлгийн мэдлэгийн зөрүү 31 хувь гарав.  
2. Судлаачдын сургалтыг мэргэжлийн байгууллагатай хамтран зохион байгуулав: 2014 оноос хойш Sustainability East Asia компани гүйцэтгэсэн бөгөөд сургалтын агуулгыг мэргэжлийн байгууллагаар дамжуулан өгсөн нь сургалтын үр дүнг бодитой үнэлэхэд нэн шаардлагатай юм.  
3. Уул уурхайн компаниудын дунд зохион байгуулдаг Дугуй ширээний уулзалт дээр оролцов:  Төслийн хэрэгжилтийн явцад 3 удаа Дугуй ширээний уулзалтад оролцон, талуудад үнэлгээний арга зүй, аргачлал болон төслийн төгсгөлийн шатанд төслийн үр дүнгээ танилцуулан, талуудаас санал авав.  
4. Сайн дурын кодекст нэгдэн орсон долоон  уул уурхайн компаниудын төлөөллүүдтэй ганцаарчилсан ярилцлага зохион байгуулав: Уг кодекст нэгдэн орсон компаниудын ахлах ажилчидтай дугуй ширээний уулзалт, тэдгээрийн хэрэгжүүлж буй усны менежментийн санаачилгын талаар ярилцсан, сүүлийн гурван жилийн хугацаанд гарсан сайн туршлага, алдаа сургамж, ирэх жилийн усны чиглэлийн төлөвлөгөөний талаар ярилцлаа. 

Төслийн зорилго нь 'Усны менежмент, Усны хяналт-шинжилгээний сургалтын' үр дүнг үнэлэх, сургалтад оролцогчдын мэдлэг, хандлага, дадалд гарсан өөрчлөлтийг зорилтот болон хяналтын бүлэгтэй харьцуулан хэмжих, цаашид сайжруулах санал зөвлөмж боловсруулах юм.  Энэ хүрээнд дараах үзүүлэлтүүдээр өөрчлөлтийг хэмжих юм.