ЩХА болон НҮБХАС, Люксембургийн засгийн газрын санхүүжилтээр, МУ-ын ЗГ-тай хамтран залуу эрэгтэйчүүд болон эмэгтэйчүүдийн тэгш байдлыг хангах, тэдний дундах жендэрт суурилсан хүчирхийлэл, төлөвлөөгүй жирэмслэлт, ХДХВ/ДОХ-ын эрсдлийг бууруулах, тэднийг Монголын нийгэм, эдийн засгийн хурдацтай хөгжил, ялангуяа эрчимжиж буй олдворлох үйлдвэрээс бий болж буй үр шимээр тэдний чадавхийг нэмэгдүүлэх зорилго бүхий ‘Залуучуудын хөгжлийн хөтөлбөр(2013-2016)’-ийг хэрэгжүүлж эхлээд байна. Төслийн үйл ажиллагааг үнэлэхийн тулд төслийн эхэн үе шат дах нөхцөл байдлыг тодорхойлж, төсөл зорилтот үзүүлэлтдээ хүрч байгаа эсэхийг харуулах индикаторуудыг хэмжих хэрэглэгдэхүүн, аргуудыг тодорхойлон, төслийн хяналт шинжилгээ үнэлгээний тогтолцоо дох индикаторуудыг бэхжүүлэх шаардлага бий болсон юм. Мөн түүнчлэн төслийн хяналт шинжилгээ, үнэлгээний тогтолцоонд шаардлагатай мэдээллийн олонхи хэсэг нь судалгааны мэдээллээс бүрдэж байгаа юм.
Тиймээс, эдгээр хэрэгцээ шаардлагад үндэслэн, дараах зорилгууд бүхий суурь судалгааг гүйцэтгэж байна. Үүнд:
Судалгааны мэдээллийг асуумж, фокус бүлгийн ярилцлага, оролцогч талуудын ярилцлага, баримт бичгийн судалгаа, ажиглалт гэх мэт тоон ба чанарын судалгааны аргыг хослуулан ашигласан. Судалгаанд оролцохоор сонгогдсон 10 гаруй залуучуудын бүлгээс асуумж болон фокус бүлгийн ярилцлагын аргаар мэдээлэл цуглуулсан бөгөөд чанарын аргаар мэдээлэл цуглуулахдаа картын арга, H-хүснэгтийн арга, ойлголтын зураглал гэх мэт оролцооны арга, техникүүдийг ашиглан мэдээллээ цуглуулсан нь онцлог давуу тал байлаа. Оролцогч талуудаас ганцаарчилсан ярилцлагын аргаар мэдээлэл цуглуулсан бөгөөд, оролцсон нийт 50 гаруй оролцогчдоор ‘Оролцогч талуудын шинжилгээ’-г хийлгэж хамтын ажиллагааг үнэлүүлсэн.
Судалгааны гол зорилтот бүлэг нь 15-34 насны залуучууд учраас залуучуудыг төлөөлж буй 10 гаруй бүлгээс судалгаанд оролцогчдыг сонгон авсан. Үүнд өсвөр насныхан, оюутан залуучууд, хөгжлийн бэрхшээлтэй, ажилтай, ажилгүй, сургууль засвардсан, малчин, уурхайчин, гэрээсээ хол амьдарч буй залуучууд, үндэсний цөөнх, ЛГБТ гэх мэт залуучуудын бүлгийг хамруулсан байна. Эдгээр залуучуудын бүлэг тус бүрийг хамруулан нийт 1600 асуумж, 60 фокус бүлгийн ярилцлагаар (480 судалгаанд оролцогч) мэдээлэл цуглуулсан байна.
Судалгааны мэдээлэл цуглуулалтын явцад, олон тооны залуучуудын эмзэг болон зорилтот бүлгийг хамруулахаар төлөвлөсөн. Тиймээс мэдээлэл цуглуулалтыг төлөвлөсөн хугацаанд амжилттай гүйцэтгэхийн тулд тухайн сургууль, орон нутгийн төрийн болон төрийн бус байгууллагуудтай хамтран, тэдний бүртгэл мэдээлэл дээр үндэслэн, зорилтот бүлгүүдийг олж, судалсан.
Эцэст нь, энэхүү ‘Залуучуудын Хөгжлийн Хөтөлбөр’-ийн суурь судалгаанд хамрагдсан оролцогчид болон, болон суурь судалгаааны ажилд дэмжлэг үзүүлэн ажилласан сонгогдсон аймгуудын ‘Залуучуудын Хөгжлийн Төв’-ийн ажилтнууд, нийгмийн бодлогын хэлтэсийнхэн болон боловсролын байгууллагуудад талархал илэрхийлж байна.
ЩХА болон НҮБХАС, Люксембургийн засгийн газрын санхүүжилтээр, МУ-ын ЗГ-тай хамтран залуу эрэгтэйчүүд болон эмэгтэйчүүдийн тэгш байдлыг хангах, тэдний дундах жендэрт суурилсан хүчирхийлэл, төлөвлөөгүй жирэмслэлт, ХДХВ/ДОХ-ын эрсдлийг бууруулах, тэднийг Монголын нийгэм, эдийн засгийн хурдацтай хөгжил, ялангуяа эрчимжиж буй олдворлох үйлдвэрээс бий болж буй үр шимээр тэдний чадавхийг нэмэгдүүлэх зорилго бүхий ‘Залуучуудын хөгжлийн хөтөлбөр(2013-2016)’-ийг хэрэгжүүлж эхлээд байна. Төслийн үйл ажиллагааг үнэлэхийн тулд төслийн эхэн үе шат дах нөхцөл байдлыг тодорхойлж, төсөл зорилтот үзүүлэлтдээ хүрч байгаа эсэхийг харуулах индикаторуудыг хэмжих хэрэглэгдэхүүн, аргуудыг тодорхойлон, төслийн хяналт шинжилгээ үнэлгээний тогтолцоо дох индикаторуудыг бэхжүүлэх шаардлага бий болсон юм. Мөн түүнчлэн төслийн хяналт шинжилгээ, үнэлгээний тогтолцоонд шаардлагатай мэдээллийн олонхи хэсэг нь судалгааны мэдээллээс бүрдэж байгаа юм.