2 сарын 6-ны өдөр Турк-Сирийн хилийн бүс орчимд болсон газар хөдлөлтийн улмаас олон мянган хүний амьдрал нэг л хормын дотор орвонгоороо эргэж, хайртай дотно хүмүүс, орон гэр, үнэ цэнтэй бүхнээ алдаад байна. Үүнийг дагасан бие махбодь, сэтгэл санааны хямралыг хэмжихэд бэрх билээ. Энэ цаг үед гамшгийн дараах эрэн хайх, авран хамгаалах, сэргээн босгох ажиллагаанд 1 доллар ч багадахааргүй тус дэм болох юм.

Гэнэтийн гарз хохирол учирсан хүмүүст тусламжийн гараа сунгах нь хүн төрөлхтөн бидэнд байх ёстой хамгийн чухал чанар билээ. IRIM судалгааны хүрээлэн Турк, Сирийн газар хөдлөлтийн уршгийг даван гарах үйлсэд 1000 ам.доллар (ажилтнууд маань нэг өдрийнхөө цалинг) хандивлалаа.

Байгалийн гамшиг зовлон хэнийг ч ялгахгүй.

Бид энэхүү газар хөдлөлтийн уршгийг даван гарах компанит ажилд хандив өргөөрэй хэмээн уриалж байна.