“МИРИМ Консалтант” ХХК, IRIM Судалгааны хүрээлэнгийн хамтарсан баг Эдийн Засгийн Хөгжлийн Яамтай хамтран “Түрээсийн харилцаа, үйл ажиллагааны нийгэм, эдийн засаг, эрх зүйн орчин”-ы судалгаа болон бодлогын хувилбар боловсруулах зөвлөх үйлчилгээг 2014 оны 06 сарын 16-ны өдрөөс 10 сарын 30-ны хооронд гүйцэтгэж байна. Энэхүү зөвлөх үйлчилгээний зорилго нь түрээсийн талаарх Монгол дахь эрх зүйн орчин, өнөөгийн нөхцөл байдал, олон улсын практикийг судалж түрээсийн харилцаа, үйл ажиллагааны эрх зүйн орчинг сайжруулах бодлогын хувилбар боловсруулахад чиглэж байна.
Төслийн хүрээнд суурь судалгааны мэдээлэл цуглуулах ажлыг түрээсийн зах зээлийн харилцаа хөгжсөн Улаанбаатар, Сэлэнгэ, Ховд, Өмнөговь аймгуудад түрээслүүлэгч, түрээслэгч, төлөөллийн байгууллага, орон нутгийн албан хаагчдаас тоон болон чанарын судалгааны аргаар мэдээлэл цуглуулж бүрэн хэмжээний тайлан боловсруулсан ба энэ судалгааны үр дүнд түшиглэн бодлогын хувилбар боловсруулахад зайлшгүй шаардлагатай 5 төрлийн нэмэлт судалгааг гүйцэтгэж байна. Одоогийн байдлаар төслийн баг бодлогын хувилбар боловсруулах чиглэлд ажиллаж байна.
";}
