IRIM судалгааны хүрээлэн нь байгаль орчны салбарын үйл ажиллагаа, шийдвэр гаргах үйл явц, үр шимийг хүртэхэд эрэгтэй, эмэгтэй хүмүүсийн тэгш оролцоог хангасан эсэхийг судлах зорилгоор Германы Олон Улсын Хамтын Ажиллагааны Нийгэмлэгтэй (GIZ) хамтран шинэ төсөл хэрэгжүүлж эхлээд байна. Судалгаа нь одоо мөрдөгдөж буй хууль эрх зүйн баримт бичигт дүн шинжилгээ хийж, олон улсын туршлагатай харьцуулах замаар бодлогын дүгнэлт зөвлөмжийг гаргах юм. Судалгааны үр дүн цаашид Жендэрийн Стратеги Төлөвлөгөөг боловсронгуй болгоход хувь нэмрээ оруулах болно.