Сургалт, хөгжил нь аливаа байгууллагын хөгжин дэвших үндэс суурь байдаг. Судалгаа, зөвлөх үйлчилгээний салбарт үйл ажиллагаа явуулдаг IRIM болон түүний охин компани болох MIRIM нь судлаач, ажилчдынхаа мэргэжлийн төдийгүй хувь хүнийх нь ур чадварыг ахиулахын төлөө байгуулагдсан цагаасаа хойш хичээж ирсэн билээ.

Өнгөрсөн 11 жилийн туршид жил бүр тасралтгүй зохион байгуулагдсаар ирсэн манай брэнд үйл ажиллагааны энэ жилийн сургалт “Нийгмийн инновацийн ур чадвар” сэдвийн хүрээнд өрнөсөн юм. Сургалтыг Харвардын Их Сургуулийн Кеннедигийн сургуулийг 2020 онд төгссөн Л.Булган зөвлөх (IRIM судалгааны хүрээлэнгийн төсөл хөгжүүлэлт хариуцсан захирал асан) бидэнд заан, чиглүүллээ.

Нийгэмд олон асуудлууд шийдлээ хүлээж байдаг бөгөөд тэдгээрийг олон нийтийн оролцоотойгоор шинэлэг арга замаар шийдэхэд чиглэж, сургалт маань ‘Хүн Төвт Дизайн’ буюу Human-Centered Design дээр суурилан явагдлаа.

#ЗуныСургалт #IRIM #MIRIM #БрэндҮйлАжиллагаа #НийгмийнИнноваци #ХүнТөвтДизайн