“Байгаль орчныг хамгаалахад талуудын оролцоог нэмэгдүүлэх нь II” төсөл нь монголын бичил уурхай эрхлэгчдийн орон нутгийн тогтвортой хөгжилд оруулж буй хувь нэмрийг нэмэгдүүлэхийн сацуу эрүүл аюулгүй орчинд амьдрах, зохистой ажлын байраар хангагдах эрхийг нь хангах зорилготой. Төсөл нь бичил уурхайн байгаль орчинд үзүүлж буй сөрөг нөлөөг бууруулах зорилгоор эвдэрсэн, эзэнгүй газарт нөхөн сэргээлт хийж, бичил уурхайн олборлолт явагдаж буй газарт байгаль орчны нөхөн сэргээлт хийхэд нь арга зүйн дэмжлэг үзүүлэх юм.
Үүнтэй холбоотойгоор АНУ-ын Азийн сангийн захиалгаар IRIM судалгааны хүрээлэн уг төслийн суурь судалгааг 2014 оны 8 сараас 10 сарын хороонд хэрэгжүүлж эхлээд байна. Суурь судалгааны зорилго нь өнөөгийн бичил уурхай эрхлэгчид орон нутгийн тогтвортой хөгжилд хувь нэмрээ оруулж чадна гэдэгт итгэж буй оролцогч талуудын хувь, харьцааг тодорхойлоход оршино. Cудалгааны мэдээлэл цуглуулалт Улаанбаатар хот болон 8 аймгийн 16 сумыг хамран зохион байгуулна.
";}
